「豆腐Ling」又工傷死氣喉辣腳
藝人高海寧最近忙於拍攝無綫新劇《網絡騙案》，但昨日開工時不幸受傷，嚇親網友！她網晒一張腳傷相，透露被電單車的死氣喉熨傷：「每一次傷痕纍纍，都會變成努力的印記，努力完成工作，努力做好自己。」加上「容易受傷的女人」Hashtag，又自嘲「豆腐Ling又上身」，安撫一班粉絲。
記者聯絡高海寧，她表示傷口起水泡：「當時拍坐電單車嘅戲份，自己從來未坐過，完全唔知死氣喉係咁熱，一上車就辣親！好彩反應快，Feel到熱即刻縮開，所以唔算好嚴重，但都Feel到好痛。劇組即刻畀水我沖洗，同埋買嘢畀我搽，頂得住！依家開始起水泡。」
