何思諺追B囝囝意見多

樂隊Mr.成員Tom(杜志烜)昨日偕太太何思諺(Leanne)及囝囝杜杜出席環保活動,Leanne早前表示今年追B不成便會封肚,她笑言回家後被老公鬧,Tom笑說:「講到咁嚴重、咁大件事,點解封肚都唔講聲呀大佬?畀啲心理準備我,不過就嚟暑假啦!(暑假就追B?)暑假係休息,我哋會去日本旅行。」問到杜杜是否想要個弟弟或妹妹?他表示不想:「因為驚媽媽個肚會好大,瞓覺壓住爸爸!」

兩夫婦對追B一事順其自然,Tom笑說:「咁快封咗個肚,留一線好喎!」而Leanne透露奶奶想她追女,但杜杜反對,她笑住解釋:「因為我有三個妹妹,佢好似有三個家姐咁,成日話女人好煩!」記者打趣指他們追B要先問兒子意願,Tom即笑稱回家要幫囝囝封口。