范振鋒搞生意唔熟唔做

藝人范振鋒昨午在中環出席講座,與年輕人分享正能量及從商理念,談到生意之道,他說:「啱啱畢業同兩位朋友每人夾兩、三萬賣水貨衫,點知突然收到律師信,原來發售嘅品牌喺香港有總代理,連水貨都唔賣得,即刻將啲貨送晒畀朋友着,關門大吉。」

後來他「轉行」從事飲食,高峰期坐擁十間食肆:「依家明白要親力親為,最好識得煮嘢食添,如果唔係好容易畀廚師大你,有次個廚師問我:『知唔知一斤鹽幾錢?』依家間中都有人叫我夾份開火鍋店,我覺得都係做番自己老本行,即係娛樂會穩陣啲。」