洪永城想學蜘蛛俠倒吊咀女
藝人洪永城（Tony）、卓韻芝和簡淑兒前晚出席電影首映，Tony自言是超英片粉絲，小時候會模仿蜘蛛俠，問他模仿甚麼？他笑說：「倒吊錫女主角？唔係咁浪漫呀？我都想，但做唔到，都係喺櫈上面跳嚟跳去。（拍拖係咪睇愛情片多？）愛情同文藝片我反而自己睇，拍拖會揀大路啲同刺激嘅戲。」
素顏現身的卓韻芝陪老公來，問到她將與蔡卓妍（阿Sa）合作舞台劇，她表示很好玩：「我唔知原來自己係唔識做戲，做戲好難。個舞台劇8月公演，依家開始背對白，舞台劇要背兩個鐘嘅對白，所以我同阿Sa都好緊張。」
而剛成為無綫「親生女」的簡淑兒，問到簽約年期長短？她說：「都OK，主要想拍多啲劇。（想同邊個合作？）好多，但最想係古天樂，希望佢返無綫拍劇，佢好正。」她又否認加盟「星夢娛樂」。