阿媽只求保Face 唐貝詩兩姊妹打到大！

藝人唐貝詩與妹妹唐貝欣感情要好，但原來小時候打架打到大！回想童年，唐貝詩指姊妹各不相讓：「我同妹妹成日打交！爭寵、爭嘢玩，可能年齡相差好近，兩個又好活躍，我哋打到媽咪都畀我哋打，但就有個規條話唔可以打塊面，打咗就罰冇電視睇。嗰時好鍾意睇電視，覺得係好大懲罰，所以會忍住唔打面。雖然打交打到大，但我哋又好鍾意一齊玩。」
年紀相若，難怪經常爭寵！
年紀相若，難怪經常爭寵！

唐貝詩又指多得媽咪寇鴻萍，令她感到家的溫暖：「媽咪係一個好着重節日嘅人，咩節日大家都會一齊慶祝，每個人嘅生日都會喺屋企切蛋糕，聖誕一定會布置屋企，每個星期日都係Family Day，可能聽起上嚟覺得好理所當然，但我就覺得好窩心、好幸福。」

唐貝詩指媽咪重視節日，一齊慶祝增進感情。
  • 唐貝詩指媽咪重視節日，一齊慶祝增進感情。