粵劇名伶蓋鳴暉與保良局主席馬清楠出席粵劇活動，馬主席反串粉墨登場。蓋鳴暉透露十多年前已參加助養小朋友計劃：「希望小朋友有書讀，有好嘅環境成長，身為一個藝人做得幾多得幾多。依家香港好極端，小朋友大得快，老人家愈嚟愈長壽，香港安老計劃其實算做得唔錯。」她坦言有錢出錢，有力出力：「我哋出力咋，錢都係留番啲有錢人去捐，我哋都係帶頭，做個明星效應，鼓勵粉絲。」
