陳嘉莉玩SM鞭傷男伴
由女星何珮瑜（Jeana）、連詩雅（Shiga）、雨僑、陳嘉莉（Kelly）及欣宜主演的話題網劇《性敢中環》有不少踩界劇情，演性濫交富家女的Kelly除了有性感演出，更與多位男主角有親熱戲。最新一集講到她和Shiga應白健恩邀請去地下SM酒吧，兩女換上SM套裝，大玩皮鞭及有味玩具！
原來她們拍攝這場戲前並不認識，直言起初略感尷尬。演出最大膽的Kelly說：「我覺得做演員最開心係可以嘗試到唔同角色，有唔同體驗，角色同我本人性格喜好上亦有一定差距。至於SM情節，有一幕係我將白健恩反鎖喺櫈度鞭打，櫈上面嘅機關都幾危險，最後都算順利完成，不過佢隻手真係整親少少。」Shiga則說：「成個地方布置到真係好似SM Party，自己本身對呢樣嘢有少少恐懼，太激，覺得唔係好舒服，但慶幸拍攝環境冇想像中咁恐怖。現場仲有好多笑位，例如有場戲要扮鞭打大家，其實我哋都忍緊笑。」