鄺潔楹偷食斷正畀導演照肺
「仙氣女神」鄺潔楹（Judy）有份主持無綫新節目《8個香港》，她坦言很開心：「我負責飲飲食食、玩同打卡，開正我嗰瓣！」平日她最愛四圍搵得意地方及新餐廳，笑言主動向節目組「報料」：「本身有間餐廳我好想去，好開心可以借工作機會，將間餐廳包起之餘，仲試晒裏面咁多唔同口味嘅嘢！」
她還自爆拍攝期間，曾被導演鬧不准再「偷食」：「通常導演會拍咗食物鏡頭先，之後先由我哋試食，次次啲嘢熱辣辣送上嚟，但就不停影，冇得食好辛苦。試過有次我忍唔住偷食，就畀導演鬧咗一嘢，所以好深刻！」
追求者要等等
此外，Judy表示平日工作忙，較少時間陪家人，會趁暑假空檔舉家到泰國旅行。談及早前她透露有追求者正在觀察中，問到進展？她笑說：「都係咁上下，如果我拍拖都係講求長遠，要放長線了解嗰個人係咪對我真心，係咪100%對我好，所以仲係了解中。」