45歲蔡少芬佗第三胎

蔡少芬早前分享扮大肚照，估唔到真係搞出人命！

現年45歲的蔡少芬，2008年與內地男星張晉結婚，現育有8歲長女張楚兒及6歲次女張信兒，一家四口相當幸福。昨日再傳來喜訊，張晉透過社交網公布太太再度懷孕的消息，兩夫婦更自製一條短片玩角色扮演，模仿早前Hit爆全城的「一個人」巴士乘客與司機的對話。

片中張晉問老婆有冇問題，蔡少芬答：「有咩問題，唔知就行開喇！有咩事……」張晉再追問：「你、我兩個人、十個月。」蔡少芬表現得不耐煩地回答：「係咁o架啦！係要咁長時間o架啦！如果唔係，你唔好搞啲咁嘅嘢，自然定律囉！安全吖嘛！」他再追問：「你個肚係咪有一個人！」老婆回答：「係呀！」他更搞笑追問是否「我嘅」？蔡少芬再答：「係呀！捱十個月驚唔驚？」張晉即輕摸太太下巴並表示：「驚咩呀？大家都唔驚。」大耍花槍，相當恩愛。

唔理仔定女：總之係開心

記者其後聯絡張晉，他難掩喜悅說：「BB都已經有一段時間o架喇！（想仔定女？）有得揀o架咩呢樣嘢？所以唔揀喇！係咩就係咩，到時就會知。總之係開心嘅。」坦言今次懷孕不在計劃之內：「其實係意外嚟嘅，上天要畀我哋，就好開心咁去接受啦！多謝大家。」圈中好友王祖藍留言「恭喜、恭喜」送祝福。

兩公婆拍片大耍花槍，原來係公布喜訊。	放大圖片	一家四口再添新成員，可喜可賀。