湯洛雯Keep住肥引商機
無綫劇集《法證先鋒IV》重拍，黃浩然、湯洛雯（靚湯）、鮑起靜昨日起程到台灣重拍外景。黃浩然與靚湯會逗留五、六天拍攝兩人偶遇及感情大躍進的戲份，問到拍外景有甚麼要準備？靚湯笑說：「佢哋叫我最緊要撳定錢，準備請大家食飯喎！」
靚湯被監製要求減10磅，但劇集開工後仍保持圓潤，笑言：「冇肥到呀！一直都係咁，不過拍完套劇真係要Pick Up番健康生活習慣，做多啲運動。」問到未能成功減磅，出了甚麼問題？黃浩然在旁抵死笑說：「一碗靚湯係唔需要撇油嘅！」她聞言亦笑說：「其實我係將自己嘅身材推到高峰，睇吓有冇啲商業機構可以合作，哈哈！」連鮑起靜亦加把嘴笑說：「我剛剛學識一句普通話好好笑，你長得太焦急了。」今次鮑起靜專程到台灣一日重拍一場戲，之後去倫敦探望孫兒。