鍾嘉欣拍MV家庭樂 囡囡送禮氹人
鍾嘉欣日前為親自作曲的新歌《做你的晨曦》拍攝MV，請來老公及一對仔女Jared及Kelly出鏡，一家四口寓工作於家庭樂。嘉欣的2歲囡囡Kelly和10個月大的囝囝Jared雖不知何為拍MV，但兩個小朋友全不怯場，表現超萌。因嘉欣常在家中播出新歌，Kelly拍MV時跟着媽媽一齊唱，又向工作人員送上自攜的珠寶貼紙作見面禮，連在MV中扮演嘉欣媽媽的替身也帶着貼紙出場，其童真令全場工作人員都十分開心。
錄音感觸眼濕濕
談及為《做》的英文版《Mommy I Love You So》填詞，嘉欣說：「創作呢首歌嘅靈感係好自然，有晚氹緊當時9個月大嘅Kelly瞓覺，佢瞓着之後，突然有種唔捨得個女嘅感覺，希望可以喺地球上生存耐啲，就可以每一刻都陪住佢，當我拍緊佢個肚仔時，呢首歌嘅旋律就喺我腦海湧現。」她希望藉着這首歌表達出對仔女無條件的愛，錄音期間，她更感觸到眼濕濕！
嘉欣指今次MV製作認真，之前跟導演開了多次會議，拍攝時，她除了做演員，還要照顧仔女：「做咗媽媽先感受到做媽媽嘅辛勞，明白到媽咪照顧我係幾辛苦，所以我覺得每位媽媽都係Superwoman。」
