陳庭欣自爆被阿叻窒
藝人陳庭欣（Toby）前晚以低胸晚裝大晒3吋事業線擔任仁愛堂晚宴的司儀，可謂搶盡風頭。Toby現場與陳百祥（阿叻）主持名酒拍賣，她卻爆出曾被阿叻窒：「以前幼嫩又細膽，又好聽話咁背稿，一背唔到就會畀佢話『做咩？記唔到呀？』佢係為我好，又成日公開問我私人嘢，當係磨練，私底下我哋好Friend。」
阿叻則讚她又靚又醒是筍盤，問他有否催Toby趕快拉埋天窗？他說：「冇！我都後悔咁早結婚，以我一表人才幾多女朋友！（當住黃杏秀面前咁講？）佢唔係人，佢係仙女下凡！」Toby被問及是否好事近，她沒有否認，稱「唔遠又唔近！」另外，阿叻透露會擔任2019港姐主持，揚言會做到2046年，問會否叫曾志偉一齊主持？他抵死反問：「佢唔係去咗另一個台？升咗仙？佢咁多物業可能發咗達！另一個譚詠麟一首歌收6位數字，佢哋兩個都比較鍾意錢。」