朱敏瀚嫌大食 余思霆扁晒嘴
藝人余思霆及男友朱敏瀚昨午首次以情侶檔姿態出席公開活動，衣飾襯到絕之餘，玩遊戲時又齊畫豬仔「放閃」。談到情侶檔的酬勞是否加碼？朱敏瀚說：「其實我哋兩個冇問過，覺得有嘢做就好開心，希望陸續有嚟啦。」
二人拍拖大半年，感情已開始穩定，朱敏瀚說：「我依家叫埋佢一齊做gym，希望操到有咁上下成績，會一齊影相留念，因為好少圈中情侶咁做。（到時女友咪好性感囉。）都係做運動啫，唔介意。」談到彼此的缺點，朱敏瀚不喜歡女友吃太多薯條，余思霆即扁嘴說：「佢成日話我食太多嘢，打完邊爐唔畀我食糖水。（為咗佢戒薯條？）sorry，應該唔會。」