張若錡街拍爆紅 寫真玩裸浴
有「翻版周麗淇」之稱的o靚模張若錡樣子標致，憑32D好身材獲台灣出版商賞識，投資近百萬推出處女寫真，她更豁出去全裸拍攝出浴照，今夏強攻寫真戰！
現年23歲的張若錡（Angus），14歲就被發掘當模特兒，因為在台灣街頭大騷好身材，相片及作品被甫上當地討論區，令她突然「爆紅」，粉絲暴增，更獲出版社睇中找她出寫真，分別在高雄、墾丁取景：「寫真分上下兩冊，為咗滿足粉絲嘅願望，共40個造型，除咗比堅尼，仲全裸上陣拍攝出浴照，但有清場拍攝。」由於她與台灣團隊合作了7個月，已取得信任，未覺太尷尬。
獻出多個第一次
寫真拍攝了12日，每日拍足16小時，因為暴曬，Angus笑言原本白雪雪變成「烏雞」返港，當中還有不少第一次：「我第一次喺荒山野嶺去廁所同換衫，有次喺大草原影相，好想小解，忍咗個幾鐘，最後搵咗個樹位，攞把遮遮住去解決！之後去到一個湖影相，現場好多遊客，見我哋好大製作，以為我係巨星，我邊換衫佢哋邊影我，真係好難忘。」
送唇印錫到嘴歪
每年的寫真戰都十分激烈，她直認擔心銷量，但準備送出滑鼠墊、攬枕、隨書附送可以幫她換衫的紙卡等產品，給粉絲驚喜：「我仲喺二百本書入面印唇印，錫到嘴歪又甩皮呀！買晒上下冊嘅粉絲仲可以得到我嘅即影即有相！」若然反應好，還會搞簽名會及粉絲聚餐。問如何突圍而出？Angus知道很多前輩出寫真：「冇諗過點贏人，淨係想突破自己，我為寫真做運動同生酮減肥法，減咗10磅，得番42公斤，好彩瘦身唔瘦胸。」稍後，她會首次拍攝電影及參加台灣綜藝節目。
Profile
出生日期：1996年5月25日
身高：1米65
三圍：32D、22、34
化妝：Constance Chan