爆「進擊」Mina港大風頭躉 馮盈盈：佢係我偶像

馮盈盈（左）扶實拐住行的麥明詩，擺甫士都唔多自然。

前港姐冠軍馮盈盈及麥明詩等，前晚在將軍澳電視城錄影，講到新一屆港姐面試，盈盈表示有不少高質素參賽者，當中「進擊版糖妹」Mina Yeung是她的港大同學：「佢係早我一年畢業嘅師姐，仲一齊參加過攝影學會嘅模特兒活動，我當時喺大學寂寂無聞，佢先係風頭躉，當初大家誤會咗我係港大校花，其實佢先係，當時佢已經贏得大專學界校花嘅美譽，我只係『食營』（食物及營養學系）校花，佢係我偶像，好有潛質。」

除了Mina曾向她請教外，曾參選國際小姐的湯洛晴也是盈盈的朋友，講到對方改名黃嘉雯，盈盈愕然說：「吓！我哋識咗好耐，佢做開模特兒又有選美經驗，好有潛質，之前活動上仲同經理人引薦佢參選，點知一年後佢已經參加咗。」

勤讀書疏忽打扮

此外，節目錄影前發生小插曲，麥明詩在化妝間跣一跣右腳拗柴，要無綫保安到場為她治理，慶幸沒有大礙，包紮後繼續拍攝，她說：「前日滑水隻腳已經傷傷哋，喺化妝間着住高踭鞋唔小心跣一跣拗柴，冇乜嘢，已經習慣晒，返到屋企畀阿哥睇吓就得。」她自嘲論盡，經常受傷，雙腳也布滿瘀痕。談到港姐面試中，DSE尖子曾樂怡被網友取笑打扮似大媽，麥明詩笑說：「我都明白，我以前都係掛住讀書唔識打扮，咁先有潛質可以改善，我都覺得同幾年前好大分別。」

「進擊版糖妹」Mina是大學風頭躉兼校花，難怪咁叻放電啦！	即場包紮後，麥明詩由同事扶出場，繼續拍攝。	放大圖片