鄭伊健雲頂倒吊惹尖叫
歌手鄭伊健早前首次到馬來西亞雲頂開個唱，再次挑戰高難度的倒掛圓環，20秒騰空倒立展現驚人臂力，有女粉絲更尖叫連連。伊健其後走下台與粉絲握手，並拋送T恤，令現場觀眾情緒高漲，有人大叫「你好靚仔啊！」他幽默回應：「呢啲唔使講啦！」
伊健連唱多首金曲後才與觀眾打招呼：「係咪好奇怪啊？通常演唱會都係一開場就打招呼，哈哈！我第一次以個人姿態喺雲頂開騷，20年前有嚟過出席頒獎禮，同埋之前（2016年）嘅《友情歲月演唱會》，好開心終於嚟到開個人演唱會，我相信大家睇我嘅戲睇得多，個人演唱會應該係第一次！」他還搞笑地指花名叫「伊麵」Noodle，其伴奏團隊則叫「杯麵」Cup Noodle。
