朱晨麗被整蠱 聞何廣沛胳肋底
藝人朱晨麗（朱朱）與何廣沛「情侶檔」拍攝無綫新劇《大醬園》，二人公餘時間愛於社交平台「放閃」，除被網民大讚合襯外，一眾好拍檔如譚俊彥等亦不禁拿二人的緋聞來開玩笑。
提到今次與廣沛合作，朱朱笑說：「我哋嘅角色要合作整豉油、洗醬缸同抹缸等，有日在曬場拍攝，我完全感受到佢全身散發出嘅男人臭汗味，佢仲整蠱我，伸自己嘅胳肋底過嚟叫我聞，又攞塊抹汗布話幫我抹面。」
朱朱今次更在劇中挑戰大戲妝：「真係第一次咋，感覺好新鮮。同事覺得我嘅造型似猴子，咁我都好鍾意睇《西遊記》嘅，如果有朝一日能夠扮演孫悟空，都應該幾得意。」