伍樂怡嚇破膽 鄺潔楹險爆粗
藝人鄺潔楹（Judy）及伍樂怡（Kelly）昨日到主題公園，試玩新機動遊戲VR跳樓機，兩女各以吊帶及露肩裝示人。Judy笑言玩完後有少少手震：「可能今朝食唔夠嘢，同埋頭先一嘢就上咗去，嗰下係嚇一嚇。（好彩冇爆粗？ ）冇，忍住，但上次拍《3日2夜》去關島玩Skydiving就真係試過，因為個教練一跳就跳咗落去，成8000呎高空。」她又笑言戴上VR眼罩，感覺更驚：「望唔到前面係咩，有前路茫茫嘅感覺。」
怕上圍縮水跑步減肥
而喜歡玩刺激活動的Kelly亦坦言被嚇破膽：「呢個乜都睇唔到，成個感覺好似係任人擺布，睇唔到發生緊咩事。」她續透露近日積極減肥：「用咗兩、三個星期瘦咗5、6磅，但未達標，其實我想減8磅。」問到目標體重是多少？她支吾以對，笑言：「差唔多110磅啦，我用跑步同埋飲食嚟減。（怕唔怕上圍縮水？）所以要慢慢減，突然一減好多就會瘦得好奇怪。」
