狄以達想「舞」出香港

藝人狄以達昨日出席音樂藝術學院開幕禮，他透露與幾位朋友合資開設，自己投資六位數，直言近兩年儲了上千學生，一直想擴展，很高興今次有機會擴展至將軍澳，下一個目標是在屯門及旺角開校：「我都係屯門開始跳舞，當時都係啲哥哥姐姐教我。我有同中學合作，將空置時間交畀我哋教，場租平咗，學費都唔使咁貴。」他表示兒時夢想是代表香港出外參加跳舞比賽，聽聞將來街舞可列入奧運項目，希望教出更多學生，屆時自己可以做教練。