不和姊妹KaryMiki撞日開P 難為Stephy兩頭騰
曾經是閨蜜的吳雨霏、楊愛瑾反面兩年，雖然姊妹情不再，卻仍是有緣人，不單齊齊榮升媽媽，更同日為自己的小朋友搞慶祝派對，苦了左右逢源的好朋友！
吳雨霏（Kary）與前組合Cookies隊友楊愛瑾（Miki）曾經情同姊妹，但兩年前被爆不和後，姊妹們的聚會總是有你冇我，雖然擘面冇朋友做，但兩人不單先後做媽媽、第一胎同樣生仔，Miki早前再誕女兒Emma，而佗第二胎的Kary預產期在9月左右，更巧合地於前日同為小朋友開派對。
粉絲催生「小王子」
Kary前日為一歲大仔Asher舉行生日派對，邀請了很多小朋友參加，非常熱鬧，兩個閨蜜鄧麗欣（Stephy）及區文詩（Angela）、名媛好友曾昭怡還帶同囡囡現身，Angela上載眾人手抱小朋友照，留言：「一人一個。」最搞笑有粉絲趁機留言，催與台灣男藝人王子（邱勝翊）蜜運的Stephy快些結婚，早日生番個「小王子」！
Emma眼大大超可愛
Miki則為囡囡Emma搞百日宴，囡囡穿上粉色裙仔、戴上頭巾，遺傳了父母圓碌碌大眼睛，非常可愛，哥哥Luken則與爸爸郭永淳以粉色西裝褸父子裝上陣。因派對同日舉行，搞到好姊妹Stephy、曾昭怡連走兩場，中午先去Miki囡囡的百日宴，然後趕去Kary囝囝的生日會，非常頻撲。
