張建聲突擊謝票：我好似黐線佬！

藝人張建聲與何珮瑜（Jeana）前晚出席電影《作家的謊言：筆忠誘罪》謝票場，首當監製的張建聲直言票房未如理想，故現時除每日緊貼票房走勢，還單拖突擊戲院謝票，他說：「頭先見到有場幾乎滿座，即刻叫同事同戲院溝通，我趕到好似黐線佬咁衝入戲院，觀眾見到好驚喜，令我好感動，套戲生不逢時，觀眾都叫我加油，真係百般滋味在心頭！惟有自己做多啲謝票。（唔叫女友陳嘉莉一齊去？）等我一個人面對啦！」問到今次「失手」可會影響往後當幕後的信心？他直言的確會多作考慮。