唔介意許志安冇撐場 蘇永康：驚造成混亂

歌手蘇永康（阿公）前晚假紅館舉行《ALL THAT JAZZ（&POP）LIVE》演唱會尾場，獲好友謝霆鋒、張衞健、關之琳及鄧萃雯等捧場。阿公騷後受訪，提到兩場騷中，BIG FOUR成員獨欠許志安沒有現身，他說：「我同佢哋兩夫婦成日通電話，佢老婆都想嚟，但考慮到可能會造成混亂，佢哋有Send Message鼓勵我。」
蘇永康勇敢面對負面新聞，為家庭和事業重新振作。
蘇永康勇敢面對負面新聞，為家庭和事業重新振作。

提到《愛．回家之開心速遞》疑影射安仔偷食，阿公稱不知情。問到可覺對安仔不好？他說：「如果編劇勒住，會影響創作自由，件事慢慢會淡，絕對相信安仔會勇敢面對。就好似我自己件事（台灣涉毒）唔怕人提，唔可以逃避同驚，反而要去面對，所以冇話啱唔啱，網上咪仲離譜！」又透露帶了囝囝Jazz體會上台感覺，但礙於囝囝太驚，趕不及拍照留念。

謝霆鋒（左）與張衞健結伴睇騷。
  • 謝霆鋒（左）與張衞健結伴睇騷。