7月飛洛杉磯深造 張曦雯目標攻荷里活裸露都OK

感情事非常低調的Kelly，拒與圈中人拍拖。

講英語發揮特別好

Kelly有感自己並非科班出身，每次演出都信心缺缺，故決定七月往美國洛杉磯修讀演藝課程一個月：「自己有料啲，就會冇咁緊張，讀咗會令我舒服同安心。拍《跳躍生命線》時有啲迷惘，好在有前輩喺身邊教，但唔係成日都有人教。」問會否在當地趁機試鏡？她說：「去荷里活發展係我嘅夢想，但我唔夠叻，之後再諗，不過之前拍劇要講英文，導演話覺得我講英文對白演得特別好。（尺度大膽，裸露都接受？）睇吓有冇原因，如果係好難得嘅劇本都OK。」

揀圈外人 嫁得先講

提到感情生活，Kelly自言除非去到談婚論嫁階段，否則不會公開另一半：「我唔會揀圈中人做另一半，咁耐都未試過，而且都唔係好吸引我。咁如果對方唔係圈中人，我唔想講咁多，唔想佢承受壓力。」

Kelly自言不愛小鮮肉拍檔，熟男才是她杯茶。

郭晉安經常提Kelly要放鬆心情才能把戲演好。