惠英紅明年登6請假擺大壽

藝人惠英紅、歌手許廷鏗與林欣彤昨日出席活動，明年踏入60歲的惠英紅預告擺大壽慶祝：「自己好少慶祝生日，不過人哋話60係大壽，老闆話幫我搞，如果喺香港就香港搞。60係一個甲子，係新開始。」並笑言會向公司請假，生日前後不安排工作。
惠英紅潔身自愛，未試過受誘惑。
惠英紅潔身自愛，未試過受誘惑。

活動上，她呼籲年輕人遠離不良嗜好，坦言童年於紅燈區成長，曾目睹酒吧女郎因染不良嗜好，死前不停嘔白泡。她慶幸入行以來未受過誘惑，可能與外表正直有關：「我唔接受身邊朋友踩隻腳入去，我就快60，未見過一個人可以話戒就戒，戒係好辛苦，唔好糟蹋人生。」

許廷鏗與林欣彤呼籲大眾遠離不良嗜好。
  • 許廷鏗與林欣彤呼籲大眾遠離不良嗜好。