囡囡患手足口病張晉捱夜照顧

藝人張晉及導演陳果昨日到銅鑼灣為新片《九龍不敗》謝票，張晉透露兩位女兒早前一同發燒，證實是患手足口病，自己及太太蔡少芬（Ada）要捱夜照顧兩女：「我哋成晚走嚟走去度體溫，冇瞓過，但知道咩事都好啲，係難受，但唔係太緊張，好在我同Ada都冇受傳染。Ada前幾日都有去首映，但唔舒服冇同大家打招呼，可能攰得滯！依家兩個女好番喇！我自己都擔心呢排咁多宣傳，狀態唔好，但都叫頂得住。」