陳煒入籃球校隊為𥄫仔

藝人陳煒前晚出席支持2019「龍皇盃」高爾夫球慈善晚宴，提到好友朱晨麗（朱朱）在《法證先鋒IV》戲份被Cut，陳煒稱朱朱撞正要拍《大醬園》，無法補戲，也覺得可惜。對於朱朱拍《大》時險中暑，陳煒說：「戥佢慘，又熱又暴曬好辛苦，會煲啲湯水畀佢，不過佢都有愛情滋潤，有滋潤就瘦得靚。」她又稱朱朱與緋聞男友何廣沛經常放閃，更爆響口曾與兩人私下食飯：「覺得何廣沛幾有禮貌，又乖，會畀朱朱恰，男仔畀女仔恰係好男仔。」她表示不諳打高球，讀書時則是籃球和乒乓球校隊，當年參加校隊也是因為被校隊的男生吸引。