羅霖出美容書諸事不順

藝人羅霖與倪晨曦昨日出席美容店開幕活動，低胸上陣的羅霖澄清將推出的是美容書而非寫真集，又指知道外間把她與溫碧霞的寫真比較：「我係教人化妝同食療，大家唔同。」但透露美容書近日遇阻滯：「出版商當初承諾我會喺內地出版，但依家未必做到！呢本書由資金到資料搜集都係我做，但尋日睇本書見好多嘢都錯，好似我影咗一千張相，已經揀剩百幾張，但有啲相都放唔落。」問到前夫劉坤銘被拍得與女友打邊爐，她只說：「祝佢幸福。」