張名雅生完半年又多個仔！
藝人張名雅、林秀怡、李日朗等昨日現身大埔超級城出席慈善活動，剛生完細仔約半年的張名雅自爆助養小朋友而多個仔：「不時收到佢啲卡，有教大仔要分享，雖然佢得兩歲，但開始明白。」已跟無綫續約的她預告9、10月可能會開劇，問到豈不是少了時間與囝囝相處？她直言會掛住：「做嘢行先，好彩有家傭、媽媽、奶奶幫手湊，所以好放心工作。」
林秀怡亦有做義工習慣，會與患癌母親一齊盡綿力：「媽媽喺冬天會織頸巾，拎去老人院派。」又開心表示媽媽正康復中。早前她被拍得與導演男友沙灘「肉搏」，她笑言：「去到沙灘見到水就想衝落去，下次可以再肉搏啲，喺啲沙上面滾！（男友被影會介意？）佢慣咗，一開始怕樣衰啫。」
