蘇施黃（阿蘇）首次和ViuTV合作拍攝旅遊節目《厲害了﹗蘇哥兒》，由日本暖男和泉素行（Soko）做日本導賞員，雖然Soko說得流利廣東話，但始終未能跟上阿蘇的節奏，期間經常「賴嘢」，慘成香港活火山炮灰。當去到避難壕拍攝時，阿蘇指示Soko埋位：「你講你嗰堆嘢呀！」Soko一頭霧水反問阿蘇：「我嗰堆嘢？」阿蘇忍不住爆粗：「X你老味呀！你話係咪想打X佢呀？唔該你個人，專注啲，醒目啲，投入啲！」Soko「駁嘴」指每個人都有不完善的地方，希望阿蘇可體諒和包容。