林穎彤唱歌右手撳左手

藝人林穎彤（Bella）昨日到電台宣傳新歌《忽然又想起你》，她透露今天將首次為大型慈善騷《明愛暖萬心》獻唱，十分緊張：「第一次喺呢啲咁華麗嘅騷唱Live。（歌手身份有冇唔同？）冇好大唔同，但做歌手要準備多啲、練多啲，唔好失禮人同出醜。（有冇向好友狄以達請教做歌手？）有呀，佢終於可以幫我少少，佢有同我分享經驗，嚟緊我會錄輕快嘅新歌，咁佢唱開快歌，會問佢意見。（會唔會叫佢幫手排舞？）都好喎！識咗咁多年，終於有啲利用價值。」