名字被刪走上房錄對白 姚琰欣控訴導演3宗罪

姚琰欣（Bonnie）有份主演的電影去年底已在香港推出，前晚她突然在社交平台爆Seed，大鬧電影導演三宗罪！

唔畀錢海報上消失

她的控訴包括付錢才能現身海報：「有人說我的名字跟照片被故意從海報刪掉。我之前在訪問講過，在我們的良心劇組，只需要花20,000元人民幣自己去包一場，就可以看到自己出現在海報上。」她又指對方故意發放演員露點影片，最後對外誣衊是她洩漏：「我只係演員身份，如何獲得執導電影的存檔？從頭到尾只有導演擁有！是誰要洩漏出去，大家有目共睹！」又聲稱導演經常說要去女演員房間試床戲，有次殺青後還叫她到其酒店房間補錄對白。

不肯就範上房

Bonnie接受記者訪問時嬲爆說：「冇畀錢就冇得影海報已經好嬲，仲要冇埋名，不如連我戲份全部刪埋佢啦！我覺得好唔尊重我，戲入面連樣都冇見到嘅替身都有名出！畀錢買海報位真係第一次聽到，除非你拍之前講明，我都畀得心甘情願！收完你片酬要畀番份片酬錢你，我建議佢下次叫演員畀錢買位拍戲啦，直接啲！」

她坦言以後不會再與該導演合作，亦希望其他演員小心：「要話畀全部人知等佢冇得再呃女仔！」她又坦言沒有上過對方酒店房試鏡：「拍完之後有一次佢嚟香港，叫我去佢酒店錄對白，我話我唔喺香港，問佢邊句要錄又唔講，之後問佢佢又話唔使錄。」強調不會為上位而就範上房。對於姚琰欣的指控，記者致電相關導演，惟截稿前仍未獲回覆。