雨僑推20萬酬勞與蔡瀚億吵大鑊
藝人雨僑、鄭欣宜、何珮瑜、連詩雅、陳嘉莉主演網劇《性敢中環》，飾演KOL的雨僑和其經理人的蔡瀚億（BabyJohn）因工作嗌大交，雨僑被開價20萬影一個咖啡Product Shot都照推，她說：「角色同自己本身都幾似，都係KOL，不過我就冇劇中角色咁固執同自負，客人要咩都會盡量配合。」
至於幾位女主角都愛好杯中物會醉酒鬧事，欣宜更是堅飲，平時不多飲酒的她說：「幾辛苦，要不停咁飲！」其中一幕，飾演幼稚園Miss的她要在小朋友面前嘔：「佢哋一Cut機就笑我，我好鍾意小朋友，所以要喺佢哋面前咁冇儀態，都有啲唔慣！」