湯洛雯拋胸Big爆婚紗
無綫小花湯洛雯頂替早前偷食人夫許志安的黃心穎演出《法證先鋒IV》，她一度被勒令減肥上陣，不過未見成效。前晚她拍攝一場婚紗戲時谷出深長「事業線」，豐滿身材相當搶鏡，連拍檔黃浩然都不敢亂望！
無綫劇集《法證先鋒IV》將黃心穎的戲份全數刪掉，前晚湯洛雯（靚湯）、黃浩然、陳煒及譚俊彥等在婚紗店重拍其中一場結婚場面。拍攝順利完成，「新娘」靚湯比起黃心穎大了一個碼，其身材豐滿，穿起性感低胸婚紗更有睇頭，連拍檔黃浩然都說：「我唔敢亂望！」
飛台灣補拍
要重拍戲份，對「有經驗」的浩然而言固然沒難度，靚湯卻有點緊張，她說：「多謝浩然教我盡快入戲，佢哋個個都好幫我！（壓力大變瘦？）冇喎！我已經冇食飯，可能拍完先瘦。」身旁的浩然代她解圍：「我哋套劇個個都高大，靚湯冇問題嘅，我哋配合吓企前啲，佢企後啲，咁咪得囉！所以我話呢碗湯唔使飛油！」靚湯聞言哭笑不得，坦言已不太介意肥瘦，並指自己選港姐時最瘦，之後保持這個身形多年，最緊要是心靈健康。提到稍後與靚湯將啟程往台灣重拍當地戲份，浩然說：「今次行程緊密，監製會拍得更濃縮，原本拍一星期，今次要四日完成，所以對我哋嚟講係一個挑戰！」
陳煒「再婚」更Sweet
同場的另一對「新人」陳煒和譚俊彥流暢完成重拍，陳煒笑說：「冇乜分別，可能會再Sweet啲！」譚俊彥亦說：「再拍當然更好，我今次仲瘦咗，因為有做番運動冇水腫，之前開工冇時間做運動會肥啲！」提到與靚湯合作，他說：「我哋就冇問題，但可能阿湯會辛苦啲，我哋畀多啲時間大家溝通，冇問題嘅！大家都排除萬難埋班，上下一心！（拍完再慶功？）唔使囉！佢哋仲要去台灣補戲。」