第一次親子旅行 陳凱琳最驚帶漏BB嘢
藝人陳凱琳昨日於銅鑼灣出席代言美容集團活動，席間獲大會送上蛋糕預祝本月23日的28歲生日。談到老公鄭嘉穎早前透露會與她旅行慶祝，她開心地說：「呢份已經係最好嘅生日禮物，會帶BB一齊去。」首次帶BB出埠，新手父母當然擔心會有「甩漏」，陳凱琳亦不例外，她坦言：「我擔心帶漏佢啲嘢多過帶漏自己行李。（向高難度挑戰？）會帶埋姐姐（傭人）去嘅。（去邊？）都係陽光與海灘。（生日願望？）身體健康。」
被問到旅行會否趁機再造人，她笑說：「唔會住，想等BB大啲先，希望佢可以先同父母建立感情，同埋知道自己就嚟做哥哥時再諗。BB開始識扭計，見到爸爸會扁嘴又會扭抱。」她透露現時4個多月大的囝囝重17磅，幸好醫生指他「啱比例」，不算肥胖。現時專心湊仔的她承認有戲癮，但暫時不會接劇，至於是否已搵定學校？她指朋友有給她資料，自己亦有上網睇。