怕唱到暈低菊梓喬增磅開騷
歌手菊梓喬（Hana）昨日在太子為首張唱片《忘記我自己》推出特別版黑膠唱片，並擔任一日店長與粉絲見面，老闆何哲圖亦到場支持。Hana透露正籌備演唱會，選了不少推動她追夢的歌曲，而演唱會將邀請一至兩位神秘嘉賓合唱，她曾提議邀請偶像任嘉賓，但因檔期問題未必成事，惟有寄望下次。
不少歌手都為演唱會減磅，Hana反而要增磅，至今已增重13磅，她笑說：「之前太瘦，得80幾磅，依家體重超過100磅，食多啲蛋白質、有營養嘅嘢，食多幾餐增磅。唔夠營養個人會太虛弱，未試過連續唱兩個幾鐘，都擔心體力唔夠，驚唱唱吓暈低！如果暈低咗，我會盡快醒番，大家千祈唔好走住，哈哈！」
Hana指今次的黑膠唱片是紅色，若下次再推出則會挑選粉紅色，因其歌迷會也是以粉紅色為主，帶有初戀、溫柔及可愛的感覺，又說：「今次留起咗001號碼嘅唱片永遠收藏，希望將來有能力可以有一間房用嚟聽音樂、打機，呢個係我嘅理想生活。」