蘇永康的《All That Jazz & Pop Live》紅館演唱會進入倒數階段，連日來他加緊排練，首次與過百名來自世界各地的樂手合作，心情相當興奮。為了今次演唱會，他積極收身，已成功減去超過20磅，他說：「真係操到有胸肌，不過唔使擔心，我唔會唔着衫出嚟嚇人。」並說：「呢排食嘢同着衫都好小心，唔畀自己有感冒嘅危險，呢排成日運動，身體真係好咗，以前每次開騷，緊張壓力一嚟，我口唇邊就一定出晒疱疹型一粒兩粒，但今次一粒都冇，我係『二型』，唔係『一型』，咪誤會。」
