王敏奕瞞男友被梁漢文施暴
藝人王敏奕與梁漢文為ViuTV以性騷擾為題材的新劇《MeToo》開工，同場的張慧儀谷胸上陣，搶去不少「峰」頭。消瘦不少的王敏奕，笑指男友曾國祥大呻她未有告知拍攝實情：「問我點解冇講過會畀人搞！（講咗唔畀拍？）唔會，佢都係導演，唔會禁止演員拍攝，同埋劇組好錫我，會做足安全措施，最激都係畀梁漢文強暴。（劇集出街唔畀男友睇？）想睇都可以睇。」
享艷福嗌難頂
劇中飾演設計師的梁漢文預告會周旋於多個女人之間，自言艷福無邊，卻叫男士不要羨慕，因他有苦自己知：「拍攝場地好難頂，好簡陋又充滿汗味，床戲梗有！浴缸戲都有！（太太知道？）未知詳情，佢唔喺香港，等佢返嚟先再同佢講。」提到好友蘇永康日前接受電台訪問，透露許志安有就「偷食」黃心穎一事跟Big Four成員道歉，他說：「其實唔使同我哋道歉，呢個階段都係畀時間佢調整，唔方便講太多。（有同佢聯絡？）對上一次係上星期。」
