黃貫中葉世榮獅城開騷唔願走
前Beyond成員黃貫中（Paul）和葉世榮日前到新加坡舉行巡迴演唱會，令全場近萬Fans瘋狂，由開場到完騷均又唱又跳，大合唱的歌聲更蓋過兩位歌手。二人很開心Fans睇得投入，在台上唱到最後一分鐘才離場；下一站他們將到馬來西亞雲頂再會過萬歌迷。
昨日Paul接受訪問時指新加坡的歌迷，是巡唱之中最「斯文」：「見番好多由細個已經捧場嘅Fans，做巡唱令我覺得音樂真係好重要，無論開心同唔開心都需要音樂。」問到太太朱茵及囡囡黃鶯可有同行？他指妻女冇到場，但不愁寂莫：「因為好多兄弟一齊玩，有Kolor嘅Sammy嚟做樂手，佢仲帶埋老婆盧巧音嚟。」問到何時再在香港開騷？他坦言視乎香港Fans的反應：「如果香港需要，我立即出現，大家向天大叫30聲『黃貫中』就得。」並指新歌已準備就緒：「咁耐冇出新歌，再唔出，我都對唔住自己啦。」