前「環球小姐」美國索模Olivia Culpo最近踢走巨胸水着模特兒女星Kate Upton等索女，被男士雜誌《Maxim》選為今年「Hot 100全球最火辣女性」No.1，並以性感透視裝榮登封面，感謝全球粉絲愛戴！
現年27歲的Olivia於雜誌訪問中表示，能成為《Maxim》最火辣女性，簡直是美夢成真，她說：「老實講，呢個真係我細個時曾經夢想嘅事，如今能夠成真，真心覺得好唔真實，亦好震撼……之前曾有好多位女士處身喺呢個位置，我仰慕咗佢哋好多年！」
Olivia於2010年入行，兩年後先後勇奪「美國小姐」及「環球小姐」兩個選美名銜，因而聲名大噪！她除了是選美會的冠軍人馬外，亦是「網紅」，於社交網Instagram（Ig）的追隨者人數高達410萬人。近年她亦不時在Ig晒福利照，其妹妹Sophia月前曾於其中一張性感相下留言，指如果老竇睇到張相會「眼火爆」，Olivia雖然一度表示未驚過，但最後都刪相了事。
Olivia昨日亦有於Ig上載《Maxim》封面，並留言多謝fans支持：「我向來好崇拜『Hot 100全球最火辣女性』呢個榜，出咗咁多聰明又成功嘅女性，佢哋以不同方式激勵我同我嘅事業，呢個封面對我嚟講有好大嘅意義，到依家成件事仍然感覺好唔真實！非常感謝《Maxim》畀我嘅機會，同所有今次與我一齊工作嘅人。」去年《Maxim》就選Kate Upton為最火辣女性No.1，之前索模Hailey Bieber、Stella Maxwell及天后Taylor Swift亦曾當選。