情趣酒店考察「刑具」 吳若希：老公悶先去
藝人譚玉瑛昨日與吳若希（Jinny）、戴祖儀（Joey）、杜如風、鄺潔楹及陳詩欣，為無綫新節目《8個香港》造勢，聯同缺席的馮盈盈及陳約臨，以八位女性角度深入介紹香港。Jinny將到香港不同的情趣酒店調查：「為兩公婆、情侶發掘唔同嘅地方畀佢哋發揮。（係你啲私竇？）靠公司發掘，今次去唔同主題嘅空間，有一間係刑罰嘅房，想體驗吓啲刑具都可以去。（你會去？）我同老公喺屋企有足夠嘅私人空間，如果過兩年覺得佢悶先去培養感情。去拍攝都尷尬，見到門口有好多燈箱。」
戴祖儀怕搞到成地水
問到對情趣酒店的主題喜好？Jinny大笑話：「鍾意浪漫啲。（水床嗰啲？）呢啲太Old School！」身邊的Joey語出驚人接話：「水床好易爛，搞到成地都係水。」Jinny當堂嚇一嚇、食住上繼續笑問：「即係你去過？」Joey慌張解釋：「我係聽新聞講過！」Jinny又透露將與拍劇撼傷頭的胡鴻鈞飛美國做騷，大派定心丸指對方身體狀況好好，故演出如期舉行。
至於Joey負責介紹年輕人喜愛的貼地勝地，又帶譚玉瑛、Jinny去葵涌廣場掃街，譚玉瑛則表示負責最在行的飲食部分，介紹酒配美食的好去處。