郭子豪酒駕停牌判社服90小時

早前被踢爆背着正印女友暗交港姐亞軍鄧卓殷的郭子豪，今年3月27日在尖沙咀麼地道近梳士巴利道交界，被警方截查時未能通過酒精呼氣測試，涉嫌酒後駕駛被捕，被控於血液中酒精濃度超過訂明限度的情況下駕駛汽車（第二級）。案件昨日在九龍城法院宣判，他於下午近二時由經理人陪同下應訊，停低拍照後便匆匆進入法院。

法官指有悔意

庭上，法官指郭子豪感化報告正面，認為他有悔意，加上屋企人十分支持，事件對他的工作亦有所影響，應上了一課，又指他已明白不會再犯，最後他被判社會服務令90小時、停牌12個月，並需自費上駕駛改進課程才可取回車牌，他回答：「清楚，明白。」

未敢鬆一口氣

郭子豪離開法院時接受訪問，問到現時心情如何？他說：「終於告一段落，錯就要認，打就要企定，都會遵守判決，乖乖做人、做藝人、做唔同角色，用正面勤力形象，做番啲成績畀大家睇，努力工作。（判決咁輕，覺得執身彩？）我唔識法律，會尊重裁決，感恩司法機構畀我改過機會，我會乖乖遵守社會服務令。（鬆一口氣？）都未，因為對司法機構有承諾。（以後唔飲酒？）唔會飲酒同揸車兩樣嘢一齊進行，呢行飲酒應酬好難避免。」

案件編號：KCCC1430/2019