閻奕格挑戰15秒變裝
藝人閻奕格（格格）、沈震軒和狄龍昨日綵排音樂劇《搭錯車》，導演高志森宣布除了演藝學院的6場外，現加開賽馬會綜藝館6場演出，並計劃到新加坡公演。劇中3位演員即場試演兩段戲，一段是格格和沈震軒的歌舞，另一段則是狄龍邊演邊做手語，難度不低。
對於加演6場，格格稱開心又緊張，狄龍則說：「我啲老皮老骨，老牛破車，有乜甩漏大家要原諒呀！」沈震軒則擔心屆時發台瘟，並大讚狄龍首日讀劇本已學好手語，令他大感敬佩。狄龍說：「手語既深奧又簡單，方寸之地包羅萬有，呢樣專業我只係皮毛。我係睇老師畀嘅視像圖，盡我所能學習，學咗個幾月。」
至於格格表示綵排時會留聲，待公演時才放盡。提到劇中要換多個造型，她認為最難是15秒內換好衫，後台會有3個人協助。體能方面，她指今次是首次一日演兩場，但相信應付得來。