黃穎君挺肚搵銀為B仔換大屋

腹大便便的黃穎君行到攰要坐下休息。

吼實千萬單位

如此努力吸金，全因Burmie想細屋換大屋，日前趁開工前，她單拖快閃某大型商場了解行情。肚大如籮的她穿上黑色連身裙及鬆糕鞋，在地產舖外研究逾千萬三房大單位，並拍下樓盤資料參考，期間又向店員詢問詳情，但論盡的她竟甩手接不住宣傳單張，要勞煩店員代為拾起。

及後，她轉睇BB車、衫仔及洗澡用具等，更不時踎低研究，又搬起BB車推前推後，測試性能。期間Burmie突然腳抽筋，立刻找位置坐下按腳減輕痛楚，並不停撳電話似向老公報告行蹤，休息大約30分鐘後，她轉戰平民連鎖服裝店添置開工衫，兼行超級市場買水果。

隱瞞懷孕怕「照顧」

Burmie昨日接受本報訪問，大方承認懷孕6個月兼佗B仔：「當時拍《降魔的2.0》一半先發現有咗，見劇本都冇乜危險場面，所以冇講，再加上我講咗懷孕，大家一定好照顧我，所以唔想造成恐慌。」問到是否有意換大屋？她說：「趁樓市平穩啲，都想換大啲間屋，畀小朋友多啲空間，亦都想搬近心儀校網及屋企人，將來可幫手湊B。」

升胸不少的黃穎君肚凸凸，靠店員幫忙拾起地上單張。

黃穎君為B仔揀選靚車。