劉威煌追女失敗搬上舞台

歌手劉威煌及「火雞姐」丁可欣昨日為主演的音樂劇造勢，劉威煌獻唱新歌，問到可想再簽唱片公司？他表示不會，怕雙方有壓力，大家都辛苦，一於自己做，由經理人幫他分配工作時間已足夠，又說人大了不再計較得失，現時懂得去聽讚賞的聲音。

今次演音樂劇，他坦言很大壓力︰「『四張嘢』仲要扮18歲後生仔，因為有過咁嘅經歷，都做到個感覺，試過追個女仔5年都追唔到，依家大家仲有聯絡，佢結咗婚、生埋B。（幾時到你生B？）順天意，都想要BB。」至於丁可欣就興奮透露音樂劇會加場，又謂劇中角色比起「火雞姐」更癲，會好好鑽研。