朱晨麗外景暴曬中暑暈倒
無綫花旦朱晨麗（朱朱）日前拍攝劇集時，因天氣炎熱加上睡眠不足，途中突然休克暈倒，嚇壞工作人員，連監製也緊張前來慰問。朱朱自認體壯如牛，但近年身體大不如前，慶幸劇組有愛，辛苦也開心。
朱晨麗近日忙於拍攝無綫新劇《大醬園》，據悉由於劇情牽涉製作豉油工序，故外景頗多，她為求演出神似，經常唔錫身落手落腳洗醬油缸。由於天氣愈來愈熱，加上休息不足，日前她突然休克暈倒，工作人員即場幫她撥扇及搽精油降溫，更驚動監製梁材遠到場慰問。
身體孱咗好多
朱朱受訪時說：「以前我好似隻牛咁捱得，但今年天氣特別熱，加上近呢3年除咗拍劇，真係冇乜點放過假，近期都發現身體的確弱咗好多，之前嗰晚又冇乜瞓過，結果搞到曬一曬就即場暈咗。」
互相按摩減壓
在中暑暈倒之前，她已感覺到有點不舒服，之後就不知不覺暈低。提到監製特意前來慰問，她說：「估唔到搞到咁大陣仗，其實呢套劇大家合作得好開心，有時趕戲好辛苦，一眾女演員好似我同楊卓娜咁，會排隊按摩，幫彼此減壓，之前又寓工作於娛樂齊齊包糉應節，真係好有愛。」