張秀文大蝦細 麥明詩晒腿還擊

張秀文晒無敵胸器，成為全場焦點。

張秀文、麥明詩、蔡思貝、張寶兒及陳曉華等，昨日到灣仔出席《2019香港小姐競選》招募行動，2010年港姐亞軍張秀文以吊帶低胸裝騷34D豐滿上圍，2015年港姐冠軍麥明詩則低胸騷腿鬥搶鏡！

自嘲「婆婆級」

眾女以張秀文入行資歷最深，她笑言收到通知時有少少卻步：「但點都要嚟宣傳，港姐帶畀我好多經歷，見識多咗好多。」並自嘲年紀大似「婆婆級」。問到有否介紹細姪女參選？她說：「我啲姊妹已經超齡，可能要等家姐啲女長大，或者係朋友啲妹。我平時袋定啲申請表，甚至上網搵適合嘅女仔參加。」

選港姐唔好怕蝕底

至於麥明詩寄語參賽者衣着及心態都要大方，最緊要不怕蝕底：「大部分人最擔心泳衣環節，其實可以開心啲睇件事；啲男朋友又可以大方啲，參考吓馮盈盈男友，女友選完出嚟感情仲咁好，全世界都見到佢女友咁正，依家佢威哂啦！」並感激前男友支持參選，否則她有更多顧慮。而戴長假髮現身的蔡思貝提議有意參選的女生，有問題可在社交網私訊她，樂意為大家作心理輔導。

麥明詩指做任何事都要不怕蝕底。	蔡思貝戴假長髮，感覺新鮮。	丁子田（左起）、陳曉華、鄧卓殷及陳靜堯，積極叫朋友選美。