舊愛吳千語封嘴 拍檔郭羨妮：娶個好老婆！
吳千語與林峯去年甩拖，當時她跟林峯口徑一致，指不想多講感情事，大家是有共識地公布分手，並指分開不關第三者事。而昨日她被問到有關林峯被爆年底結婚一事的看法，則不欲多言，只透過經理人公司回覆：「不回應！」
對於有指林峯於內地拍攝電影版《尋秦記》時偷走向張馨月送上求婚驚喜，有份在當地拍該片的演員如苗僑偉、郭羨妮、滕麗名等均表示未有聽聞，郭羨妮更說：「冇聽過喎！不過我當然希望阿峯佢娶個好老婆啦！我都有見過佢女朋友嚟探班，但我同阿峯講，都未睇清楚佢女朋友個樣，因為大家拍緊嘢唔會咁張揚。」而之前林峯曾帶女友與長輩苗僑偉吃飯，但苗僑偉表示未聽聞過對方求婚，坦言不方便評論。另外，林峯的堂妹林夏薇則回覆：「我冇聽過喎！咁要問番阿哥啦！」