王祖藍突然飆高睇齊李亞男

王祖藍的「長腿」幾乎與李亞男一樣長。

李亞男於社交網上載照片，惹來網友熱烈討論！原本比老婆矮一截的祖藍，身高幾乎與老婆睇齊，網友紛紛激讚攝影師技術高超，靠角度拉近兩公婆身高。二人又四出「食好西」，李亞男邊歎美食邊欣賞海景，一副悠然自得的樣子。而祖藍則上載被老婆餵食巴拿馬火腿的短片，大放閃光彈。

好掛住囡囡

記者聯絡身在當地的祖藍，他表示與太太出席朋友的婚禮，會逗留三天：「因為掛住囡囡，都唔會留好多日。（順道造人？）見到囡囡咁得意，梗係會再追啦，不過都要等到佢一歲先。」問到當地治安如何？他說：「因為有當地導遊帶住，冇問題。」提到他品嘗了不少美食，他笑言：「係食咗好多，不過啱啱先減肥成功，唔可以畀自己肥。」

祖藍與亞男有意再生B。	李亞男盡情吃喝玩樂。	兩公婆身在外地，非常掛念在港的女兒。