麥明詩投桃報李護戰友下體

麥明詩踩單車籌款，途中付出血與汗，最為難忘。

無綫藝員麥明詩、潘梓鋒等組成慈善單車隊早前由香港出發，踩單車經內地、越南、老撾、泰國抵達柬埔寨為學校擴建籌款，眾成員昨日出席節目《單車遊學團》記者會。麥明詩、潘梓鋒在28日的單車籌款之旅中踩了26日單車，問到最難忘是甚麼？潘梓鋒指是麥明詩在他面前炒車：「我幾乎輾過佢，當時感覺好無能為力，之後即刻拉佢去路邊。」麥明詩則笑言：「最難忘係去到醫院，報告都未出，佢哋已經走咗去食雞囉！」潘梓鋒說：「你下刪咗當中嘅一千字，我哋係叫定等埋你一齊食雞啫！」

• 潘梓鋒踩廿幾日單車，問麥明詩借潤膚膏搽，救「小弟」一命！

大量出汗致皮膚敏感

不過，麥明詩亦「拯救」了戰友潘梓鋒的「重要部位」，他笑說：「因為踩單車廿幾日，坐嗰個位會損、會爛，麥明詩借咗佢搽嘴唇嘅凡士林畀我搽，後來佢想問我攞番嚟搽，我話你唔好攞嚟用喇，哈哈！」他開心與麥明詩成為朋友：「佢喺TVB唔多朋友，除咗陸浩明、馮盈盈，我依家應該係排第三。」

麥明詩在途中炒車，付出血與汗，她認為只是皮外傷，旅程最辛苦的是鏡頭前看不到的，像酷熱天氣、大量出汗令到皮膚敏感等等。今次籌款旅程暫籌得六位數字，她希望節目出街後會帶來更多善款，並帶出敢於嘗試的訊息。