梁家輝催婚古仔家棟「放生自己」

影帝梁家輝、古天樂（古仔）及林家棟前晚出席新片首映，三人多年後再度合作，十分難得，家輝笑指古天樂現已成為「影壇大亨」，又有幾組戲在身較辛苦：「我係退休人士，比較舒服。（新戲係退休之作？）我係退休，唔係退役，只要有觀眾、拍檔、導演再有諗法，我會做到最後一部。」

早前他催促古仔和家棟早日結婚，家輝再強調各人的路不一樣，只是想鼓勵他們成家立室才有完美人生！家棟認為與古仔的共同點是放生自己，家輝聞言即說：「我有話過自己行咗入條死路咩？」古仔說：「感情嘅嘢邊個都唔聽。」家棟笑言：「隨緣啦，人要愛惜自己，唔結婚就係愛惜自己嘅表達方式。」此外，前晚唐詩詠性感撐場。